🌹 لما كانت أمى عايشة 🌹

كتبت /زينب الجندى

 الىى أمى الغالية روحى ونبضى

  الغائبة الحاضرة دائما فى قلبى❤

لما كانت أمى عايشة ……

كنت بدفى فى نفسها ..

 كنت بتعافى بحنانها ..

كنت اشوف الدنيا جنة ..

لما كانت أمى عايشة …..

وانا رايحة وانا جاية ….

  كنت عارفة إنى راجعة

 لحضن مابيخلص حنانه ..

 لقلب يساع الدنيا بحبه وأمانه ..

لما كانت أمى عايشة ….

كنت عارفة إن فيه عمود متين فى بيتنا ..

بيساندنا وبيسمعنا وبيساعدنا

 يتعصب علينا لما فرصة

 حقيقى تروح من ايدنا ..

لما كانت أمى عايشة …..

كانت الفرحة تحوشها ..

لما نتجمع فى قاعدة او فى لمة ..

ويا أكلة من إيديها الحلوة سخنة ..

لما كانت أمى عايشة …..

كنت بتونس بصوتها ..

كنت بتهنى بشقاها ..

كنت بتحمل قساوة الدنيا

 ويا بسمة من شفاها ..

لما كانت أمى عايشة ……

كان القرش زمان يكفى ..

والطبطبة منها بتشفى ..

حتى الدمعة فى عينى

من حنانها تمشى .

لما كانت أمى عايشة ……

كنت شايفة ان الدنيا معايا ماشية ..

كنت ناسية .. أيوة ناسية ..

 ان فيه فى الدنيا ديا

ناس كتيرة قلوبها قاسية

لما كانت أمى عايشة ……

🌹🌹❤🌹🌹