يادنيا فيكى العجب
فيكى البشر انواع
فيكى اللى قلبه دهب
والشارى والبياع
يا دنيا فيكى الظلم
كتير فى كل مكان
والحق ليه ناسه
لكن ضعيف متهان
الكل بيقول نفسى
هو دا الانسان
عايش حياته ووقته
بيصارع الايام
لاحد عاجبه حاله
ولا حاسس بالامان
عايشين حلاوة روح
ونلوم على الزمان
يادنيا فيكى الادب
اشكال والوان
وكله وقت الجد
على حقيقته يبان
يا دنيا بقيتى غابه
ودى خلاصة الكلام
وشوشنا تبان فرحانه
والقلوب جواها احزان
ولا فيكى شىء دايم
ويعوض الله عليك يا انسان
يادنيا حسى بينا بجد
كفايه حرام
تعبنا هجر وندم
وشبعنا خصااام
يادنيا فيكى العجب
كتير وكتير
لاحد عاجبه رزقه
ولا راضى بالقليل
عايشين حياتنا فى دوامه
والندل عامل فيها اصيل
بيتكبر على اللى منه
وناكر للجميل
واهى ايام وبنعيشها
ضاعت فيها الاصول
ومات الضمير
الكل بيقول نفسى
و كله سلف ودين
ياحب مالك ضايع
قولى فين الاقيك
نفسى ترجع تانى
افرح واتهنى بيك
املى الكون امانى
واعيش معاك وليك
ياحب ليه امرك عجيب
ساكن قلوب عشاقك
وتايه زى الغريب
بتدور على اللى يستاهلك
ويكون منك قريب
يعرف قيمتك ويرضى
بالقدر والنصيب
ياحب فينك من زمان
ليه بختك مايل و قليل
كل القلوب عايزاك
ورافضه اى بديل
ياحب حرام عليك
ارحم عشاق الليل
عيونهم تعبت سهر
والقلب جواه انين
كلمات الشاعر
ممدوح نصر
