بحبك انا ما كنتش اتخيل ولا أعرف إنى بحبك بالشكل ده من غيرك عايش ومش عايش يا كل المنى معاكى عشت حياتى واجمل اوقاتى وعرفت الطعم الحقيقى للهنا وحشانى كل حاجة فيكى ومنك ومعاكى يا حبى انا على فكره ده مش كلامى ده كلام قلبى اللى بيحلم بيكى ومستنيكى من كام سنة اجبرنى اكتبلك واعبر عن اللى جوايه وافضفض من حبى وحرمانى منك يا بحر العطاء ونهر الوفا يا اجمل ماعرفت وقابلت وحسيت بحبك حب لا حبيته لحد قبلك ولا هحبه بعدك قلبى بأسمك بيندهلك وفى كل دقاته بيقول عشقتك لاول مرة اكتب وانا فى الكلام بفكر وخايف مش اعرف اوصفلك وأعبر عن إشتياقى ليكى اللى فى كل ثانيه بيزيد ويكبر الحياة من غيرك ضاع طعمها وماشفت منها غير عذابها ومرها إرجعيلى ورجعيلى دنيتى الحلوة اللى عرفتها واجمل لحظاتى اللى معاكى وبيكى عشتها لسه الحب فى قلبى باقى ما أنتهى لأنك اجمل إنسانة بعد طول إنتظار قابلتها ومهما مرت وهتمر السنين والأيام انتى زى ما انتى فى العقل والشريان مالكة الروح والكيان صدقينى صعب البعد عنك والنسيان مهما حصل بينا وكان وجودك وقربك الإحساس الحقيقى ليا بالأمن والأمان فى كل وقت وزمان بتمنى كلامى يوصلك وتقريه وتسمعيه بقلبك مش بلسانك وودنك مهما قولت وهقولك عايزك تعرفى وتتاكدى انى صعب وإستحالة ومش ممكن ابدا أخدعك وأغشك انا اللى لو لفيتى العالم مش هتلاقى حد أدى يحبك وكل مطلبه وجودك وقربك وتحسى بيه معاكى وجنبك بصوابعه يمسح دموعك ويمحى حزنك ويرسم الفرح والإبتسامة على ملامحك ويغير عليكى حتى من نفسك عشان حقيقى أدمنتك وبقيت أنام وأصحى على سيرتك بعد طول تفكير فيكى وفى جمال كلامك وإحساسك وردك بجد وجد الجد بحبك وعشقتك كـــلمـــــات الشــــــاعر ممــدوح نصــــر يمـــا نـــى
