د هبة حسين تكتب: الفلسفة الجنسية بين الازواج
مقال جرىء جدا يقتحم المناطق المحظورة في الحياة الجنسية للازواج
د هبة حسين
هنتكلم عن الفلسفه الجنسيه بالطريقه الروحانيه والعلميه.
و إزاى اى زوجين يعملوا علاقه جنسيه ناجحه وممتعه مع بعض بالشكل الصحى من الجانب(الروحانى والجسدى والعاطفى والنفسى).
العلاقه الجنسيه هى (لعبة حب) ما بين الشريكين بيعبروا عن حبهم لبعض من خلال التلامس الجسدي اللى بيفرغوا من خلاله شهوتهم الجنسيه.
لازم اى شريكين يتعلموا ممارسة الجنس بالطريقه الصحيحه علشان يقدروا يشبعوا بعض جنسيا.
وكمان علشان أعصابهم تهدا ويحسنوا من حالتهم المزاجيه ويزودوا رباط الحب ما بينهم بشكل أعمق وأقوى.
من الجانب الروحانى الجنس الحقيقى بيبدأ بشعور عميق من خلال الروح الداخليه اللى بتدفعهم للإتحاد مع أرواحهم.
علشان الإتحاد يحصل بسلام لازم يكون فى تكافئ ما بين الشريكين اللى هيمارسوا الجنس مع بعض.
للاسف العالم المادى بيحسبوا إن أى راجل و أى ست يقدروا يتجهزوا ويمارسوا الجنس و ده غلط لأنهم كده هيكونوا زاى الحيوانات بيمارسوا لتفريغ شهوتهم وللتكاثر فقط.
من الجانب الروحانى هيأثر على جسدهم وطاقتهم سلبيا لانه تم إلتقاء جنسى مع جسدين غير متوافقين روحانيا.
روحانيا لازم تشيل الإحتياج الجنسى من عقلك علشان تفصل كبريائك عن الاحتياج المادى.
الجنس مبنى على إحتياج روحانى علشان روحك بتحب روح شريكك العاطفى لما إلتقوا حصل إنجذاب جنسى بسبب حبهم لبعض مش بسبب شهواتهم الجنسيه.
ده راجع لان ارواحكوا موازنه لطاقتكوا لبعض علشان يكملوا بعض طاقيا.
ولأن الطرفين بيسعوا للإكتمال عن طريق ممارسة الجنس مع بعض.
وعلشان يحققوا الاكتمال لازم الاتنين يخرجوا مبسوطين ومشبعين من عملية ممارسة الجنس مع بعض.
لازم الطرفين كل واحد فيهم ياخد حقه من الجنس ويشبع ويبسط الأخر بالطريقه اللى تبسطه وتشبعه.
وعلشان الجنس مايكنش مؤذى طاقيا وليه توابع طاقيا عليهم هما الاتنين.
لازم كل واحد يسأل نفسه انا روحى عايزه ايه من روحه و ايه اللى بحبه فيه وايه اللى محتاجه منه وليه انا منجذب ليه جنسيا.
خلوا بالكوا وانتوا بتمارسوا الجنس إنتوا بنتقلوا لبعض سوايل و DNA بتتشاركوا وبتنقلوا معلومات و بنتقلوا لبعض كارما وبتنقلوا اى علاقات سابقه لبعض من خلال انتقال الكارما و ده حاجه كارثيه.
لان لو انت كنت متعدد العلاقات ومارست علاقات جنسيه كتير ومن ضمن علاقات كانت فيهم علاقه سامه أو علاقه مربوطه بعقد كارمى سلبى انت كده بتنقلها لغيرك والعكس صحيح لو الشخص اللى بتمارس معاه علاقة جنسيه كان متعدد العلاقات هينقلك اللى امتصه من علاقاته السابقه.
و ده متخزن فى جينات أى بنى آدم وبيتم نقله لكل شخص.
ده غير نقل اى أمراض عن طريق ممارسة الجنس مع شخص مريض.
العمليه الجنسيه هى عمليه مقدسة ومش بسيطه زاى ما الكل معتقد فهى مش بتخلص مع إنتهاء الشهوة فقط ده بيحصل فيها عملية روحانيه كامله ونقل طاقات.
علشان كده فى الدين الإسلامي خلوا عدة الست لمدة (٣ أشهر)علشان يحصل لرحمها وطاقتها تنضيف وتطهير وإستعداد لإستقبال زوج جديد بحيث يحصلها هى تنقيه من طاقة الزوج السابق.
الجنس بيمتدد لأبعاد روحانيه بتربط مع الشخص حبل طاقى أثيرى.
وهو ده الرباط الغليظ اللى ربنا وصفه فى أديان كتير علشان كده ربنا بيشرع ممارسة الجنس من خلال الزواج الحلال والمشرع بيه فقط.
الجنس بالنسبه للمراه فى مجتمعنا العربى إتبرمج عقلها إنها أداة لإشباع الرجل.
وللاسف بعض من الستات رابطين قوتهم الانثويه من خلال انها تجذب وتثير الرجل جنسيا زايها كده زاى الجاريه.
الانثى بتنطفأ لما تحس إنها تحولت لأداة إفراغ لشهوه الرجل.
إنه بيظلم مشاعرها ورغباتها الجنسيه فبيحصل عندها غضب داخلى إنها بتقدم ليه كل اللى يبسطه ويرضيه.
والمقابل منه انانيته فقط إنه يفرغ شهوته ومش منتبه ليها ولرغباتها وإنه ما عاملش ليها إشباع جنسى ولا هى فرغت شهوتها.
وظيفة الانثى مش علشان تحرك للراجل الإلهام الجنسى وظيفتها انها تعمله إلهام عن طريق جمالها ومحبتها ليه وتكون مؤنسه ليه علشان يحس إنه عنده رغبة جنسيه إتجاها.
وفى بعض الرجال بردوا مش واخد حقه جنسيا من شريكته لانها مش عارفه توصله الحب ولا الإشباع الجنسى زاى ما هو حابب وعايزه.
فيحس بعدم رغبه جنسيا معاها ونفور عاطفيا و روحانيا وطاقيا.
سواء راجل أو انثى لازم يكون عندكوا حكمه جنسيه وذكاء عاطفي مع بعض.
تحبوا بعض حب روحانى عميق وتحتوا وتحضتنوا بعض وتسمعوا للرغبات الجنسيه من بعض.
د هبة حسين
الراجل بالذات بيكون محتاج من شريكته العاطفيه الألفه والأمان والطبطبه والحنيه والهدوء من بعد ما يرجع من شغله لانه بيكون راجع مضغوط من شغله والعالم الخارجي.
الجنس أداه قوية للراجل بتساعده إنه يهدأ نفسيا ويصفى ذهنيا من بعد يوم طويل وشاق فى شغله.
وبتساعده إنه يتخلص من كل المشاعر السلبيه بشكل طاقى و روحانى وعاطفي من غير ما يتكلم عنها.
لان للاسف مجتمعنا العربى خلق جوه كل راجل إنه يبقى أخرس عيب إنه يتكلم عن مشاعره السلبيه ولا عارف ياخد إحتياجه الجنسيه من الست بتاعته بالشكل اللى يرضيه ويبسطه.
معتقدات كل واحد سواء ست أو راجل وطريقة تفكيرهم عن نفسهم وعن الآخرين علشان ترضى شريكك العاطفي عاطفيا وجنسيا.
لازم الاول تعرف انت شايف نفسك داخليا ازاى هل حابب ومقتنع بنفسك و راضى عنها ولا لأ.
عينك اللى شايف بيها نفسك إعرف إن عين شريكك هتكون شايفاك بنفس اللى إنت شايفه في نفسك.
إنت تقدر تقدم لشريكك العاطفي عالم روحانى كامل عن طريق تغير رؤيته للعالم وتدخله فى الحاله الروحانيه والرومانسية عن طريق الحب والاحتواء والجنس.
الحياة الجنسيه فى مجتمعنا العربى للاسف كلها مغلوطه ومحتاجين يكون عندنا واعى صحى و روحانى فيها.
الجنس علشان يتمارس صح لازم يكون فى كيميا و توافق وتكافأ ما بين الشريكين ويكونوا على نفس الصفحه.
بمعنى لازم الاتنين يكونوا واصلين لحالة الرغبه الجنسيه (الهياج الجنسى).
الست بطبيعتها بتحتاج لوقت أطول من الراجل علشان تكون مستعده علشان تكون على نفس صفحه الراجل.
فلازم الراجل يداعبها ويخليها تبقى جاهزه ليه ويخليها تدخل فى حالة (الرغبه الجنسيه)لأن هى إستحاله تكون جاهزه لان الراجل ما أهلها للدخول فى الحاله والرغبه الجنسيه.
على الرغم إن هى بتقوم بدورها انها بتجهز نفسها ليه من خلال انها بتلبس وتتعطر وتدلع عليه لان طبيعة الراجل بيثار بعينه أولا من شكل الأنثى.
معروف إن الراجل بيخلص ويفرغ شهوته فى خلال من( ٧ إلى ١٠ دقايق).
الراجل والست لازم يجهزوا لبعض ويجهزوا ويأهلوا بعض لصناعة وتأكيد الحب لبعض من خلال ممارسة الجنس مع بعض.
أهم نقطه هل الطرفين جاهزين نفسيا وجسديا إنهم يمارسوا الجنس مع بعض ما ينفعش واحد فيهم يكون عنده رغبة جنسيه.
والتانى يكون تعبان( نفسيا أو جسديا )ويضطر يمارس الجنس لمجرد إنه يرضى الطرف الآخر وهو يكون مش مستمتع..
لازم يكون عند الطرفين إنسانيه و رحمه على بعض علشان يقدروا يتصلوا جنسيا وهما الاتنين عندهم نفس الرغبه بجانب( الاريحيه الجسديه والنفسيه).
فى نقطه مهمه جدا الاتنين لازم يكونوا بيحترموا بعض بره السرير وقادرين يوصلوا الثقه والأمان والتقدير والحب والاهتمام لبعض فى حياتهم العاديه بره السرير.
علشان ده مهم جدا لإنجاح علاقتهم الجنسيه فلازم تركزوا وتراعوا مزاج بعض.
د هبة حسين
وبأبسط الإمكانيات تعملوا جو رومانسي جميل يهيأ مزاجكوا للعمليه الجنسيه (شموع عطريه واضاءه خفيفه ولبس جميل والجسد يكون نضيف و ريحته جميله حتى ريحة الفحم تكون جميله).
خدوا بالكوا مهم جدا النضافه الشخصيه للطرفين لان ليها تأثير على الرغبة الجنسيه من الطرفين.
لازم تحسسوا بعض إنكوا عندكوا الرغبه الجنسيه من بعض وتقولوا كلام فيه حب لبعض و تتغزلوا فى بعض وتوصفوا جمال بعض و دلعوا بعض إخلقوا جو لطيف ما بينكوا.
كل واحد فيهم يقول للتانى على رغباته من التانى والطريقه اللى بيحبها واللى بتخليه مستمتع.
ولو فى حاجه مش حابينها وبضايقكوا أثناء ممارسة الجنس قولوا عليها بدون خجل بحيث ما تتكراروها تانى.
بالذات الست اوعى تخجلى إنك تطلبى منه اللى انتى عايزه أو تعترضى على اللى مش بيبسطك لان ده حقك زاى ماهو من حقه يطلب أو يعترض.
كل واحد فيهم لما يحس انه خلاص هيوصل لذروة شهوته يسأل الطرف التانى انا قربت أخلص هل إنت قربت ولا لسه.
علشان لو لسه ما ينفعش واحد يخلص والتانى لسه لازم الاتنين يخلصوا مع بعض ويحققوا إشباع جنسى لبعض.
ما ينفعش ما تمارسوا العلاقه الجنسيه لفتره طويله مع بعض وتكونوا بعيد عن بعض لفتره طويله.
لأن هيحصل فتور وبرود جنسى وعدم رغبه جنسيا و إضطراب فى شاكرة الجذر.
لان شاكرة الجذر هى متصله بالجنس زايها زاى غريزة البقاء.
الجنس هو نعمه ومتعه لذلك مارسوها بالشكل الصحى و الروحانى الصحيح علشان ترفعوا هرمون السعاده.
كمان من فوايد ممارسة الجنس بيعلى هرمون الحميمية من خلال التلامس الجسدي.
لازم الاهالى يعلموا أولادهم وبناتهم الثقافه الجنسيه علشان يكون عندهم مرجعيه جنسيه صحيحه وليها مرجع دينى وعلمى علشان يتمارس صح.
ولازم يعلموهم إنهم يهتموا بنضافه أعضائهم التناسلية ونعرفهم ان فى وسايل منع للحمل وفى أمراض متناقله عن طريق الجنس ونعرفهم ان العمليه الجنسيه هى تعبير عن الحب لكن ما ينفعش تمارسها غير بالطريقه المشرعه.
تعلموهم ما ينفعش تمارس الجنس لمجرد ان عندك حرمان عاطفي وضعف نفسى.
علشان البنات و الاولاد بيروحوا يثقفوا نفسهم جنسيا عن طريق مصادر مغلوطه وكلها كذب ومنافيه للواقع وللدين وللأخلاق من خلال الافلام الإباحية.
ولما بيكون عندهم حرمان عاطفي بيكونوا فريسه سهله للذئاب البشريه.
اى شريكين لازم يكون عندهم لغة حوار و مرونه ما بينهم ويتناقشوا فى كل شئ يخص الجنس بدون خجل.
اوعوا تنكروا رغباتكوا الجنسيه وتكبتوها لان الكبت هيوصلكوا للانحراف الجنسى وللعصبيه والمزاج السيئ.
كل زوجه و زوج قوموا بدركوا مع بعض واعملوا إشباع عاطفي وجنسي لبعض علشان مافيش حد يلجأ لممارسة العادة السرية بسبب انه مش مشبع جنسيا من الآخر.
وكمان علشان ما يحصلش للخيانات الزوجية لان الطرفين مش بيشبعوا بعض جنسيا والكلام ده للست و الراجل لان للاسف فى ستات بتدخل فى علاقه غير زوجها لان زوجها مش عامل ليها إشباع عاطفي و جنسى.
ربنا يجمع اى اتنين فى الحلال وينور بصيرتكم و واعيكم دايما للصح والنافع ليكوا طاقيا و روحيا وعاطفيا وجنسيا.
كاتبة المقال د هبة حسين
لايف كوتش و معالج نفسى و اخصائية علاقات أسرية )
(حاصلة على ) :-
1- باورفول كوتش معتمد من الاتحاد الدولي للكوتشنج .
2- ريزولف كوتش معتمد د. ريتشارد بولستاد و من TICT.
3- لايف كوتش محترف من كوتشنج هب للتدريب.
4- ممارس لإدارة المشاعر بتقنيات العلاج بخط الزمن.
5- دبلوم البرمجة اللغوية العصبية NLP.
6- ممارس للصمود النفسي معتمد من ريتشارد بولستاد ومن TICT
دبلومة العلاج السلوك المعرفى.
دبلومة الصحه النفسيه.
دبلومة الإرشاد الأسرى
